ლექსენი კარიერისთვის ნებისმიერთან დაწვება?!

როგორც იქნა გავარკვიეთ ვინ შეცვალა შალვა რამიშვილი და ამიერიდან სასტიკი ინკვიზიტორის როლში ლამაზმანი ნანკა კალატოზიშვილი მოგვევლინა. შალვას ტრადიციას არც ნანკამ უღალატა და გააგრძელა მიწვეული სტუმრების პირადი ცხოვრებიდან უინტერესო თუ საინტერესო მომენტების ამოქექვა. ერთერთი გუშინდელი სტუმარი თინეიჯერების საყვარელ რეპერად გაპიარებული ლექსენი იყო, რომელსაც ნანკა არც თუ ისე აზრიან კითხვებს უსვამდა და ცოტა მოვიწყინე კიდეც, ვიდრე არ გაიჟღერა კითხვამ „დაწვები ადამიანთან, თუ ის კარიერულ წინსვლაში დაგეხმარება?“. ამ კითხვის შემდეგ მოვაყოლებ ნანკას და ლექსენის საუბრის სინქრონს, რომ შარი არავინ მომდოს არაფერში :)

ლექსენი – კი
ნანკა – დაწვები...
ლექსენი – თან თუ კარგი ქალი იქნება, ეუჰუჰუჰუჰუჰ
ნანკა – მე არ მითქვამს აქ კარგი ქალი იქნება... კი?
ლექსენი – კი დავწვები
ნანკა – კი! მარტივი პასუხი

სიცრუის დეტექტორის პასუხი აღმოჩნდა სიმართლე.
ამ პასუხის შემდეგ მოჰყვა მთელი რიგი თავის მართლებები და ნანკას მიერ ლექსენისთვის „ნამუსის მოწმენდა“. ნანკამ განმარტა, რომ წინსვლისთვის მამაკაცმაც შეიძლება შესთავაზოს რაღაც–რაღაცეები, ლექსენმა დაუდასტურა, რომ გამორიცხული არაფერია. მაგრამ მერე საიდანღაც ნანკამ დაასკვნა, რომ პასუხის გაცემისას ლექსენს არ გაუელვა ამ აზრმა, რომ თურმე შესაძლოა მამაკაცმაც შესთავაზოს ერთად დაწოლა და ამის გამო ნანკა დამშვიდდა და დაწყნარდა. ცოტა ვერ გავიგე, ნანკას მხრიდან ასეთი საუბარი ჰომოფობური „ნამიოკი“ იყო, თუ ლექსენზე აბოდებს და გული გაუსკდებოდა, რომ გაეგო, თურმე ლექსენს შეუძლია მამაკაცთანაც დაწვეს? ის კარგი იყო, თვითონ ნანკა რომ ერთ კლიპში გოგონას ეზასავებოდა? იქნებ ლექსენსაც უნდა რომელიმე თავის ახალ „ნავაროჩენ“ კლიპში ბიჭთან ზასაობა? და რა, ნანკამ უნდა დაუშალოს? მოკლედ შესაძლოა ეს იმის გამო მოხდა, რომ ნანკას გადაცემა პირველი იყო, თორემ რატომღაც სულ არ მსიამოვნებს ვიფიქრო, რომ ეს გოგონა ჰომოფობია. მსახიობ ქალებს ასეთი რაღაცეები ნაკლებად ახასიათებთ.

რაც შეეხება გადაცემის მეორე სტუმარს ირაკლი მარხულიას, მისი დრო გადაცემაში ბოლომდე არ გასულა და ალბათ უფრო საინტერესო კითხვები ერთი კვირის შემდეგ გადაცემის გაგრძელებაში იქნება, მაგრამ მინდა ვთქვა, რომ ეს ბიჭი რატომღაც ძალიან მომწონს. ჯეობარში მისი ყოფნისას სულ მას ვუმესიჯებდი. ისე კი, საინტერესო მეგობრები მიიყვანა გადაცემაში – მულატკა და კიდევ ორი გოგონა. ნანკას კითხვაზე – ბიჭებთან არ მეგობრობო?, ირაკლიმ უპასუხა „უკან ზიანო“, რაც ნანკამ იქვე გაუსწორა „უკან სხედანო“. ნუ ეს არაფერი, მისი გამართული მეტყველება ნაკლებად მაინტერესებს, მაგრამ ჯეობარის ეს გამარჯვებული ბიჭი ყოველთვის დიიიდ ინტერესს აღმიძრავდა :)

სხვა სტატიები ამ თემაზე:
* სკანდალური აღიარება შალვა რამიშვილთან
* საჯარო პირების გამომზეურებული პირადი ცხოვრება
* რამიშვილის სკანდალური შოუ სკანდალის გარეშე...
* მაია ასათიანის მორიგი დრაგშოუ
* ოჰ, ეს მაიას მუდმივი „სასურველი სასიძოები“...
* სასიძოები და საპატარძლოები „პროფილში“
* მაია ასათიანის „დრაგ–შოუმ“ სიყმაწვილეში დაგვაბრუნა
* ჯეოსტარში გეი–ჰიტი პირველ ადგილზე გავიდა

ქ დეკემბერი შიდსთან ბრძოლის მსოფლიო დღეა

პირველი დეკემბერი შიდსის წინააღმდეგ ბრძოლის მსოფლიო დღეა. ამ ვირუსმა უამრავი ადამიანის სიცოცხლე იმსხვერპლა. ნუ იქნებით თქვენც მათ შორის. უსაფრთხო სექსისთვის განკუთვნილი თანამედროვე საშუალებები თითქმის 100%-ით გიცავთ არასასურველი დაავადებებისაგან. დაინტერესდით, მიიღეთ ინფორმაცია და დაიცავით საკუთარი თავი და საყვარელი ადამიანები. gay.ge და ფონდი ინკლუზივი მზად არიან აღმოგიჩინონ სრულფასოვანი მხარდაჭერა, მოგაწოდონ ინფორმაცია და გაგიწიონ კვალიფიციური დახმარება.

"ალია" და ლორთქიფანიძე VS ადამიანის უფლებები

(წყარო – ჟურნალი ლიბერალი – ავტორი ნინო ბექიშვილი) – პარლამენტის ადამიანის უფლებათა დაცვის კომიტეტის თავმჯდომარის მოადგილე, ჰომოფობიური განცხადებებისა და შეხედულებების მიუხედავად, თანამდებობას ინარჩუნებს. როცა "ქალთა ფონდმა" საგრანტო კონკურსი გამოაცხადა "ქალთა სექსუალურ და გენდერულ იდენტობაზე დაფუძნებული დისკრიმინაციისა და ჰომოფობიის დასაძლევად", გაზეთი "ალია" კონკურსის დასრულებას არ დაელოდა და 14-16 ნოემბრის ნომერში გელა ზედელაშვილის სტატია გამოაქვეყნა, სათაურით - "საქართველოში ლესბოსელების სწავლება და დაფინანსება იწყება".

"ალიას" პუბლიკაციას არ განვიხილავდით, რომ არა ერთი ტენდენცია: საკმარისია ადამიანებმა საკუთარი არსებობის შესახებ საჯაროდ განაცხადონ, ან სადმე, ვინმემ ხმამაღლა გაბედოს საუბარი თავის უფლებების შესახებ, რომ ქართული ყვითელი პრესის რეაქცია მყისიერია ხოლმე. უკვე ტენდენციად იქცა ის, რომ ქართული გაზეთების გარკვეული ნაწილი ("ჯორჯიან თაიმსი", "ალია", "ასავალ-დასავალი" და სხვ.) ღიად ჰომოფობიურ, შუღლის გამაღვივებელ, ფემინოფობიურ და სექსისტურ სტატიებს ბეჭდავენ. როგორც წესი, ეს მასალები უპასუხოდ რჩება ხოლმე. ამ სტატიების ავტორები ან შეთქმულების თეორიებს ეძებენ, ან საშიშროებაზე - ქართული კულტურისა და ტრადიციების განადგურების საფრთხეზე იწყებენ მსჯელობას. ახლაც სწორედ ასე მოხდა. "ეს ამბავი ძალიან მაგონებს იმას, როგორ გაამრავლა ერთმა არასამთავრობო ორგანიზაციამ ჩვენ ტყეებში რაღაც უცნაური ჯიშის მგელი, რომელიც უკვე სოფლებში ჩამოდის და ერთიანად მუსრავს საქონელს. ეტყობა, ახლა ლესბოსელების მომრავლება-მოძლიერებაზეა ჯერი მიმდგარი და ვაი ჩვენი ბრალი, თუ ისინიც მგლებივით მოედვნენ არამარეს", - წერს ზედელაშვილი.

არც ისაა გასაკვირი, რომ "ალიამ" კომენტარისთვის საქართველოს პარლამენტის დეპუტატს, პარლამენტის ადამიანის უფლებათა დაცვის კომიტეტის თავმჯდომარის მოადგილეს, დიმიტრი ლორთქიფანიძეს მიმართა. ამ ზაფხულს დიმიტრი ლორთქიფანიძემ, მაშინ როდესაც ის სახალხო დამცველობის ერთ-ერთ კანდიდატად იყო დასახელებული, ჰომოსექსუალიზმის დანაშაულად მიჩნევა მოითხოვა. მაშინ საზოგადოების დიდი ნაწილისა და პარლამენტართა რეაქციაც ადეკვატური იყო: საქართველოს კონსტიტუცია, ის დეკლარაციები და კონვენციები, რომელსაც საქართველო მიუერთდა, ჩვენ ქვეყანას ადამიანის უფლებათა აღიარებას და დაცვას ავალდებულებს. წარმოუდგენელია, ეს არ იცოდეს პროფესიით იურისტმა კანონმდებელმა. თუმცა, ის ახლაც ზნეობის სადარაჯოზე დგას: "ნებისმიერი ხასიათის ექსპანსია, რომელიც მიზნად ისახავს ქართული ცნობიერების ამოძირკვას, ჩვენი ეკლესიისა და რწმენის გაუკუღმართებას, რაზედაც ჩვენი შვილები უნდა იზრდებოდნენ, უნდა იყოს კატეგორიული შეფასების საგანი. როცა მივცემთ ამ საკითხს სამართლებრივ შეფასებას, ეს ყველაფერი გამოქვეყნდება". როგორ, რომელი კანონის საფუძველზე აპირებს ლორთქიფანიძე ფონდის მიერ გამოცხადებული საგრანტო კონკურსის სამართლებრივ შეფასებას, ძნელი სათქმელია. სამაგიეროდ, საკითხში გაურკვეველი მკითხველი ასეთ სატყუარას იოლად წამოეგება და ჰომოფობიური განწყობები საზოგადოებაში კიდევ უფრო გამძაფრდება.

"ქალთა ფონდის" აღმასრულებელი დირექტორი ნანა ფანცულაია "ალიას" სტატიამ კიდევ ერთხელ დაარწმუნა საგრანტო კონკურსის დროულობასა და აუცილებლობაში. ეს ისეთივე კონკურსია, როგორსაც სხვა არასამთავრობო ორგანიზაციები და "ქალთა ფონდიც" ხშირად აცხადებს. ფონდის საიტზე, ბუნებრივია, მითითებულია დონორებიც. თუმცა, "ალიას" ჟურნალისტი სწორედ ამ თემით მანიპულირებას შეეცადა: "ვინ აფინანსებს ლესბოსელებს საქართველოში?" ნანა ფანცულაია საკუთარი უფლებების დარღვევაზეც ლაპარაკობს: ჟურნალისტმა მასთან სატელეფონო პრივატული საუბარი ინტერვიუს სახით გამოაქვეყნა.

ფონდ "ინკლუზივის" დამფუძნებელი, LGBT უფლებათა დამცველი პაატა საბელაშვილი ამბობს, რომ ახლა, როდესაც საზოგადოება უკვე მზადაა და განსხვავებული სექსუალური ორიენტაციის ადამიანებმა საკუთარ უფლებებზე საუბარი დაიწყეს, საკითხს ტაბუ აღარ ადევს, მაგრამ შეფასებები, როგორც წესი, ნეგატიური და ჰომოფობიურია: "ზუსტად ორი წელია, რაც გაზეთებში ეს კამპანია დაიწყო. საუბრობდნენ არარსებულ გეი პრაიდზე, თითქოს 500 გეი ჩამოდიოდა ჯერ ფოთში, შემდეგ - თბილისში. ალქაჯების ახალ კასტას ქმნიან, რომლებიც შემდეგ უნდა განდევნონ. ხდება ამ თემის პოლიტიზირება, არც გვეკითხებიან, როგორ ვუყურებთ მთავრობის დამსახურებებს და მთავრობას იმას მიაწერენ, რაც არ გაუკეთებია".

ხელისუფლების პასუხისმგებლობაზე საუბარი ჩვენც მიზანშეწონილად მიგვაჩნია. საქართველოს პარლამენტის დეპუტატ დიმიტრი ლორთქიფანიძეს საღვთო სჯული და თანამედროვე სახელმწიფოს კანონმდებლობა ერთმანეთში ერევა და უპირატესობას აშკარად პირველს ანიჭებს. მიუხედავად მისი ღიად ჰომოფობიური განცხადებებისა, ლორთქიფანიძის ადამიანის უფლებათა კომიტეტის თავმჯდომარის მოადგილეობიდან გადაყენების საკითხი პარლამენტარებს ჯერჯერობით არ დაუყენებიათ. პარადოქსია, როცა ადამიანის უფლებათა დამცველი თანასწორობის საყოველთაო პრინციპებს არ აღიარებს, ეს უპირველესად საქართველოს კონსტიტუციისა და იმ საერთაშორისო კონვენციების შეურაცხყოფაა, რომელთაც ჩვენი ქვეყანა მიუერთდა.

საჯარო პირების მიერ "სიძულვილის ენის" გამოყენებას საქართველოს კანონმდებლობა არ ზღუდავს. როგორც ჩანს, საჭიროა საკანონმდებლო ცვლილებებზეც ვისაუბროთ, რათა დავიცვათ ჩვენი თანამოქალაქეების - სექსუალური უმცირესობების წარმომადგენელთა, შეზღუდული შესაძლებლობის მქონე პირთა და სხვათა უფლებები.

სხვა სტატიები ამ თემაზე:
* ომბუდსმენობის ოპოზიციონერი კანდიდატი თვლის, რომ ჰომოსექსუალები უნდა დაისაჯონ
* ჰომოსექსუალობის დასჯადობის განხილვა პარლამენტში გაგრძელდა
* გერმანიის ვიცე–კანცლერი გახსნილი გეი გახდება
* ჭანტურია შეცდომას აღიარებს, მაგრამ ბოდიშს არ იხდის

საია ჟურნალისტის მიმართ განხორციელებული მუქარის ფაქტს აპროტესტებს

საქართველოს ახალგაზრდა იურისტთა ასოციაცია გმობს 2009 წლის 25 ნოემბერს საქართველოს შინაგან საქმეთა სამინისტროს სპეციალური ოპერატიული დეპარატამენტის აჭარის ა/რ სამმართველოს წარმომადგენლების მიერ გაზეთ “ბათუმელების” ჟურნალისტის – თედო ჯორბენაძის მიმართ განხორციელებულ უკანონო ქმედებას.

საქართველოს ახალგაზრდა იურისტთა ასოციაცია ადამიანის ფუნდამენტური უფლებების უხეშ ხელყოფად აფასებს ჟურნალისტის მიმართ განხორციელებულ მუქარას მისი სექსუალური ორიენტაციის ამსახველი ფოტო/ვიდეო მასალის გავრცელების შესახებ.

საქართველოს კონტიტუციის მე-20 მუხლის 1-ლი პუნქტის თანახმად ხელშეუხებელია “ყოველი ადამიანის პირადი ცხოვრება, პირადი საქმიანობის ადგილი, პირადი ჩანაწერი, მიმოწერა, საუბარი სატელეფონო და სხვა ტექნიკური საშუალებებით, აგრეთვე ტექნიკური საშუალებებით მიღებული შეტყობინებანი”.

კონსტიტუციით დაცული პირადი ცხოვრების და პირადი საიდუმლოების დამატებითი დაცვის გარანტიებს ქმნის საქართველოს ზოგადი ადმინისტრაციული კოდექსის 43-ე მუხლის “ბ” პუნქტი, რომლის თანახმად: “საჯარო დაწესებულება ვალდებულია არ დაუშვას საჯარო დაწესებულების მიერ ისეთი სახის პერსონალური მონაცემების შეგროვება, შენახვა ან გაცემა, რომელიც დაკავშირებულია პირის რელიგიურ, სექსუალურ ან ეთნიკურ კუთვნილებასთან, პოლიტიკურ ან მსოფლმხედველობრივ შეხედულებებთან.”

ამასთან, საქართველოს პოლიციის ეთიკის კოდექსის თანახმად `პოლიციელს უფლება აქვს დაარღვიოს პირადი ცხოვრების ხელშეუხებლობა მხოლოდ იმ შემთხვევაში, როცა არსებობს აბსოლუტური აუცილებლობა, ხორციელდება კანონის შესაბამისად და მიმართულია კანონიერი მიზნის მისაღწევად.

საიას შეფასებით, სამართალდამცავი ორგანოს თანამშრომელთა მხრიდან ადგილი ჰქონდა კანონის უხეშ უგულებელყოფას, კერძოდ კი – იძულებას, ასევე, სახეზეა სამოხელეო დანაშაული - სამსახურებრივი უფლებამოსილების გადამეტება ჟურნალისტ თედო ჯორბენაძის პირადი ღირსების შეურაცხყოფის გზით.

აღნიშნული გარემოებების გათვალისწინებით საია მიმართავს საქართველოს მთავარ პროკურატურასა და შსს გენერალურ ინსპექციას და მოითხოვს დაუყოვნებლივ იქნეს დაწყებული გამოძიებიება 25 ნოემბერს მომხდარი ფაქტზე და დაეკისროთ სისხლის სამართლის პასუხისმგებლობა ყველა შესაბამის პირს.

საქართველოს ახალგაზრდა იურისტთა ასოციაცია ჟურნალისტის დაცვას ახორციელებს მედიის სამართლებრივი დაცვის ცენტრის მეშვეობით.

სხვა სტატიები ამ თემაზე:
* გაზეთი "ბათუმლები" ჟურნალისტის დაშანტაჯების მცდელობას აპროტესტებს

რაულ კასტროს ქალიშვილმა კუბაზე გეი–ქორწინების დაკანონების პირობა დადო

სექსოლოგმა მარიელა კასტრომ, რომელიც კუბის სახელმწიფო საბჭოს თავმჯდომარის რაულ კასტროს ქალიშვილია, განაცხადა, რომ უახლოეს დროში ქვეყნის პარლამენტი განიხილავს საკითხს ერთსქესიანი ქორწინების ლეგალიზაციის და ჰომოსექსუალთა ოჯახებისთვის შვილების აყვანის უფლების მიცემის შესახებ, იტყობინება Univision.com. ამისთვის საოჯახო კანონმდებლობაში დაგეგმილია ცალკე მუხლის შეტანა. საკანონმდებლო ინიციატივით კუბელი ქალების ასოციაცია გამოვიდა.

როგორც გამოცემა იტყობინება, მარიელა კასტრო კუბაზე „ჯვაროსნულ ლაშქრობას“ აწყობს ჰომოფობიის წინააღმდეგ. ამაში მას მხარს უჭერს მმართველი კომუნისტური პარტია. პროპაგანდისთვის გამოიყენება სახელმწიფო სტრუქტურები, რომლებიც პასუხს აგებენ იდეოლოგიასა და კულტურაზე. დაახლოებით ერთი წლის წინ მარიელა კასტრომ მთავრობის თანხმობა მიიღო სქესის შეცვლის ოპერაციების დაკანონებაზე. თითქმის 2 ათეული წლის განმავლობაში ასეთი ოპერაციები კუბაზე აკრძალული იყო.

შეგახსენებთ, რომ დიახ, ეს ყველაფერი კუბაზე ხდება. იმ კუბაზე, სადაც ჰომოსექსუალების მიერ გადატანილი ავბედითი ისტორიები ბევრი ფილმის სიუჟეტიც კი გამხდარა. და ამ საკანონმდებლო ინიციატივების ავტორია ფიდელ კასტროს ძმისშვილი. ფიდელი ჯერ კიდევ ცოცხალია, როგორც ამბობენ და ეს ის ფიდელია, რომელმაც კუბაზე კომუნისტების გამარჯვების შემდეგ ნადირობა მოაწყო ჰომოსექსუალებზე და მისი მმართველობის პერიოდში განსხვავებული სექსუალური ორიენტაციის მქონე ბევრი ადამიანი დაზარალდა.

კუბა რომ ახლოს იყოს ევროპასთან, დარწმუნებული ვარ საქართველოს გაუსწრებდა და ევროკავშირში ჩვენზე პირველი შევიდოდა. ამ ქვეყანაში თუ ლიბერალური რეფორმები ამ სახით გაგრძელდა, კომუნიზმის საზიზღარ გადმონაშთებს თვითონ ეს ხალხივე მოუღებს ბოლოს. ჩვენთან კი რა ხდება? ერთ საღამოს რომ მოხუცებული ჰომოსექსუალი თავის ორიენტაციას ტელევიზიით საჯაროდ აღიარებს, მეორე დღეს სახელმწიფო სტრუქტურების მხრიდან ჰომოსექსუალობასთან დაკავშირებული სკანდალი აგორდა, რომელიც გაზეთ „ბათუმელების“ ჟურნალისტს ეხებოდა. მემგონი აშკარად ნამეტანი მოუვიდათ, როცა გადაწყვიტეს ადამიანის მიმართ, როგორი პოლიტიკური შეხედულებისაც არ უნდა იყოს იგი, ჰომოსექსუალობის თემის ზეწოლის მიზნით გამოყენება. ღირს მემგონი, რომ სახელმწიფო სტრუქტურებიც, მმართველი პარტიაც და ყველა პარტიაც ამაზე დაფიქრდეს. ისე, როგორც ამ სკანდალის განვითარებას ვაკვირდები, ჯერ არცერთი ოპოზიციური პარტიის მხრიდან ამ თემაზე გაკეთებული განცხადება არ მახსოვს. რა არის ჩვენო ოპოზიციონერო თანამემამულენო, ჰომოსექსუალობის თემამ ხომ არ შეგაშინათ? არჩევნებიაო? აბა სამართლიანობა სად არის მაშინ თქვენი აზრით?

შეაფასეთ საკონკურსო ღია ბარათები

(წყარო – gay.ge) - ნამუშევრების მიღება Gay.ge-სა და ფონდი "ინკლუზივის" მიერ გამოცხადებულ კონკურსში ღია ბარათების შექმნაზე დასრულდა 2009 წლის 24 ნოემბერს, 18:00 საათზე. ნამუშევრების შეფასება ინტერნეტ-კონკურსისთვის შესაძლებელია 1 დეკემბრის ჩათვლით, მისამართზე: http://pc2009.gay.ge.

გაზეთი "ბათუმლები" ჟურნალისტის დაშანტაჯების მცდელობას აპროტესტებს

ძალიან მინდოდა, მე თვითონ დამეწერა რამე ამ განცხადების მიხედვით, მაგრამ ამჯერად იმით შემოვიფარგლები, რომ გთავაზობთ გაზეთის განცხადებას მთლიანად, ხოლო კომენტარებში დავწეროთ ჩვენი აზრები.



"ბათუმელები" აპროტესტებს დაშინების და შანტაჟის მცდელობას სპეცსამსახურების მხრიდან (Facebook–იდან)

პრესრელიზი
26 ნოემბერი. 2009.
ბათუმი, მემედ აბაშიძის ქ.#48
ტელ.: 7 03 59
მობ.: 877 45 63 36.
ელ-ფოსტა: batumelebi2@yahoo.com

გაზეთ „ბათუმელები“ აპროტესტებს საქართველოს შს სამინისტროს სპეციალური ოპერატიული დეპარტამენტის (სოდი) აჭარის არ სამმართველოს მხრიდან გაზეთის თანამშრომელთა დაშინების, შანტაჟის მცდელობას და ამით სარედაქციო დამოუკიდებლობაში ჩარევის სურვილს; ასევე გაზეთის იმიჯის შელახვის მცდელობას სექსუალურ ორიენტაციასთან დაკავშირებით საქართველოში არსებული სტიგმის გამოყენებით.

ამ საკითხთან დაკავშირებით დღეს, 18 საათზე, გაზეთ „ბათუმელების“ ოფისში გაიმართება პრესკონფერენცია.

ამასთან, გაზეთი „ბათუმელები“ დღესვე მიმართავს პროკურატურას, რომ დაიწყოს გამოძიება გუშინ მომხდარ ინციდენტთან დაკავშირებით.
გუშინ, 25 ნოემბერს, დაახლოებით 20.00 საათზე გაზეთ „ბათუმელების“ დირექტორი მზია ამაღლობელი, მთავარი რედაქტორი ეთერ თურაძე და ჟურნალისტური გამოძიების ჯგუფის კოორდინატორი თედო ჯორბენაძე იმყოფებოდნენ ყოფილი უშიშროების შენობაში.

შენობაში მისვლამდე ნახევარი საათით ადრე ბათუმში, „ბათმელების“ ოფისის მიმდებარე ტერიტორიაზე თედო ჯორბენაძეს, რომელიც არის „ბათუმელების“ ჟურნალისტური გამოძიების ჯგუფის კოორდინატორი, დახვდნენ სპეცსამსახურის თანამშრომლები და განყოფილებაში წაყოლა თხოვეს. განუმარტეს, რომ მასთან კითხვები ჰქონდათ პირად საკითხებზე, რომელზეც დეტალურად განყოფილებაში დაელაპარაკებოდნენ.

თედო ჯორბენაძემ შესთავაზა, რომ რამდენიმე წუთში თავად მივიდოდა განყოფილებაში, რადგან სამუშაო შეხვედრა ჰქონდა დაგეგმილი.
მან აღნიშნულის შესახებ აცნობა გაზეთის ხელმძღვანელობას. ამ დროს მას მობილურ ტელეფონზე დაურეკეს (მობილურის ნომერი ცნობილია) და უთხრეს, რომ ელოდებოდნენ განყოფილებაში. სატელეფონო საუბარში ჯორბენაძეს ასევე განუმარტეს, რომ საქმე ეხებოდა მის სექსუალურ პარტნიორს.
განყოფილებაში წავიდნენ გაზეთის ხელმძღვანელები მზია ამაღლობელი და ეთერ თურაძე თედო ჯორბენაძესთან ერთად.

თედო ჯორბენაძე სოდის (ყოფილი უშიშროების სამინისტროს შენობა, ბათუმი, გრობოედოვის ქ.4) შენობაში მისვლის შემდეგ შესთავაზეს, რომ მარტო ასულიყო შენობის მეოთხე სართულზე, რაზედაც მან უარი განაცხადა. ამის შემდეგ 2 ადამიანი (ერთ ერთი მათგანი იყო ის პიროვნება, ვინც ქუჩაში დახვდა) გამოვიდა და შეიყვანეს თედო ჯორბენაძე შენობის პირველ სართულზე. რედაქციის ხელმძღვანელებს შენობის ჰოლში შესვლაზე უარი უთხრეს.

თედო ჯორბენაძეს აჩვენეს ამობეჭდილი, შავ-თეთრი ფოტოები, რომელზეც გამოსახული იყო მამაკაცები საცვლების ამარა. ამის შემდეგ ჯორბენაძეს უთხრეს, რომ ამ კადრებზე თვითონ არის გამოსახული.

სპეცსამსახურის თანამშრომელმა აუხსნა თედო ჯორბენაძეს, რომ ის არის გაზეთ „ბათუმელების“ რედაქტორის მოადგილე და რადგან ამ რედაქციით დაინტერესებული არიან უცხო ქვეყნების, კონკრეტულად კი რუსეთის და თურქეთის სპეცსამსახურები, მისი დახმარება, თანამშრომლობა სჭირდებათ.
უარის მიღების შემდეგ თედო ჯორბენაძე გააფრთხილეს, რომ ამ კადრებს გაუგზავნიან მის ავადმყოფ მამას, თანამშრომლებს, ატვირთავენ ინტერნეტში. გააფრთხილეს, რომ ამ კადრების გავრცელების შემდეგ ის დაკარგავს სამსახურს, ან ინტერვიუს აღარავინ მისცემს.

ჯორბენაძემ განუცხადა, რომ მას ვერ შეაშინებდნენ დამონტაჟებული კადრების გავრცელებით, რის შემდეგაც დატოვა აღნიშნული შენობა.

რამდენიმე წუთში თედო ჯორბენაძეს დაუკავშირდნენ იგივე ტელეფონის ნომრიდან და თხოვეს დაბრუნებულიყო უკან გაზეთის ხელმძღვანელობასთან ერთად. რედაქციის სამივე ხელმძღვანელი პირი აიყვანეს იგივე შენობის მეოთხე სართულზე.
ეთერ თურაძემ იკითხა იყო თუ არა საქმე აღძრული თედო ჯორბენაძეზე, რაზედაც მიიღო პასუხი, რომ არა!

ამ საუბარში უწყების თანამშრომელმა ეთერ თურაძეს განუცხადა, რომ ჯორბენაძე არ იყო „ბათუმელებში“ მუშაობის ღირსი და რომ იყო „უნამუსო“, რაზეც გაზეთის რედაქტორმა კატეგორულად განუმარტა, რომ არავის მისცემდა მისი თანამშრომლების შეურაცყოფის უფლებას, მათ შორის არც სპეცსამსახურის თანამშრომლებს.

ამასთან, სოდის თანამშრომლებმა საუბარში ვითომდა გაზეთის მიმართ კეთილგანწყობის ნიშნად უთხრეს, რომ „ბათუმელებს“ პატივისცემის ნიშნად ელაპარაკებოდნენ ასე დელიკატურად, თორემ „თედოს სხვანაირადაც მიიყვანდნენ განყოფილებაში“.

“ბათუმელები” შანტაჟის ამ ფორმაზე, ადამიანების `დავერბოვკების~ საბჭოთა კგბ-სეულ მეთოდებზე დეტალურად პრესკონფერენციაზე ისაუბრებს.
`ბათუმელები~ ასევე აპირებს სამართლებრივი მსვლელობა მისცეს შანტაჟის ამ ფორმას.

სკანდალური აღიარება შალვა რამიშვილთან

ასაკოვანმა მამაკაცმა, ქუთაისის უნივერსიტეტის ლექტორმა, კანონიერი ქურდის შვილმა ტელეიმედის ეთერში საქვეყნოდ აღიარა, რომ ჰომოსექსუალია. სულ იმას ვწუწუნებდი, რომ შალვა რამიშვილის „სიმართლის დრო“ უინტერესო იყო, რადგან მასში მონაწილე სტუმრები ვითომ სკანდალურ კითხვებს ვითომ სკანდალურ პასუხებს სცემდნენ. საინტერესოა, რა რეაქციები მოჰყვება ამ ყველაფერს ჩვენი საზოგადოების რეაქციული წრეების მხრიდან. ნამდვილად სკანდალური განცხადება იყო, როდესაც ამ ხნის ადამიანი ასეთ სერიოზულ განცხადებებს აკეთებს.


ბევრი სხვა რამეც თქვა, რომ კანონიერი ქურდის შვილია, რომ კგბ–სთან თანამშრომლობდა, რომ კგბ–ს აგენტები ინტიმური ურთიერთობების დამყარებას თხოვდნენ და ასე შემდეგ, მაგრამ ფაქტია, რომ ქართულ ტელესივრცეში ტაბუ დაირღვა და პაკო ტაბატაძის გაუბედავი განცხადების შემდეგ ქუთაისელი თამაზ კანდელაკი პირველი აღმოჩნდა, ვინც თავისი ორიენტაციის შესახებ ასე ხმამაღლა განაცხადა. თუმცა მაია ასათიანთან „პროფილშიც“ იყო გასულ ზაფხულს მსგავსი განცხადება, როდესაც კესომ თქვა, რომ ტრანსსექსუალია და ამას არ მალავს, მაგრამ კესო იმდენად ჰგავს გოგოს, რომ შესაძლოა ბევრმა მაყურებელმა არც დაიჯერა, რომ სინამდვილეში კესო ბიჭია.

ბევრ ახალგაზრდას აჯობა სიმამაცით თამაზ კანდელაკმა და ჩვენი შოუ–ბიზნესის ცნობილი წარმომადგენლებივით ტყუილებით არ გაგვიჭედა ყურები.

ვიდეო გადაცემიდან შეგიძლიათ იხილოთ აქ>>>>>>>

სხვა სტატიები ამ თემაზე:
* საჯარო პირების გამომზეურებული პირადი ცხოვრება
* რამიშვილის სკანდალური შოუ სკანდალის გარეშე...
* მაია ასათიანის მორიგი დრაგშოუ
* ოჰ, ეს მაიას მუდმივი „სასურველი სასიძოები“...
* სასიძოები და საპატარძლოები „პროფილში“
* მაია ასათიანის „დრაგ–შოუმ“ სიყმაწვილეში დაგვაბრუნა
* ჯეოსტარში გეი–ჰიტი პირველ ადგილზე გავიდა

მე შენ მერსედესს გჩუქნი და შენ ნახუი მაგზავნი?

წარმომიდგენია, რა ელდა ეცემოდა ვასიკო ოდიშვილს, როდესაც მაყურებლისთვის უნდა ეცნობებინა, რომ მან მერსედესი მოიგო, და ამ უზრდელმა მაყურებელმა „ნა ხუი“ გაუშვა... მე რომ გათამაშების ორგანიზატორი ვიყო, არაფრის დიდებით ამ უზრდელ მაყურებელს მერსედესს არ გადავცემდი. ყველაფერი კი, ჩემი აზრით მარტივი ასახსნელია. ვასიკო, რომელსაც ამ ლატარიის გარდა „რუსთავი–2“–ზე დილის გადაცემაში სამზარეულოს განყოფილებაც მიჰყავს, ძალიან მიჩვეულია ე.წ. „ძევკობას“ პირდაპირ ეთერში. მას, როგორც მსახიობს, ალბათ მისაღებად მიაჩნია ასეთი ქცევა და ჰგონია, რომ მის მატრაკვეცობაზე ხალხი ხალისობს. და რა იცოდა საწყალმა ვასიკომ, რომ ამ „ძევკობის“ გამო სრულიად საქართველოს გასაგონად პირდაპირ ეთერში მას „ნა ხუი“ გაუშვებდნენ. როგორც ჩანს, "ძველ" ბიჭებს ეს "ძევკური" ბაზარი სულაც არ სიამოვნებთ, ან მაყურებელს ეგონა ვინმე "პიდარასტი" მაბავსო... ალბათ ეს ვასიკოსთვისაც გაკვეთილი იქნება და ცოტა შეეშვება ამ დაყენებულ „ვითომ მსახიობურ“ მეტყველებას, მაგრამ დღეს, დილის გადაცემაში ნათია ჰყავდა ბანძელაძე და ვასიკოს ქცევაში არანაირი ცვლილება არ შემიმჩნევია. ეტყობა ერთხელ "გაგზავნა" საკმარისი არ იყო :)

დუტა! „She“– ს ქალებს უმღერიან! ვახ!

ჯეოსტარი რომ არ არსებობდეს, რა გაგვახალისებდა ქართული ტელევიზიებით გეებს, გამიჭირდებოდა ამის თქმა. გადასარევი პროექტია და ემოციებით დატვირთული ვადევნებ ყოველთვის თვალს. ზოგჯერ ყველაფერი სამართლიანად არ სრულდება, როგორც დღევანდელ შემთხვევაში, მაგრამ საყურებლად ნამდვილად ღირს. მიუხედავად იმისა, რომ არც იაზო ბერიძის ობიექტურობაში მეპარება ეჭვი და ჟიურის დანარჩენი წევრების მიმართაც პატივისცემით ვარ განწყობილი, მაყურებელზე ეტყობა მაინც ნაკლებად მოქმედებს ჟიურის წევრთა აზრი და შედეგად დღესაც უსამართლოდ დატოვა კონკურსი ნინო ბაშარულმა, რომელმაც, ჩემი აზრით, დღეს მშვენიერი სიმღერა წარმოადგინა და ხუთიანზე შეასრულა კიდეც... აქვე გავიხსენებ გორელ მაკას, რომელსაც ასევე მაყურებელმა დაატოვებინა უსამართლოდ კონკურსი.

სამაგიეროდ, დღემდე რჩება კონკურსში ქუთაისელი შოთიკო, რომელსაც მისი ფიზიკური მონაცემებისადმი სიმპათიის მიუხედავად ქუთაისში „ტირიფებშიც“არ ვამღერებდი. რეპერტუარი შოთიკოს დღეს სწორად ჰქონდა შერჩეული, მაგრამ ჩემი ნება რომ ყოფილიყო, მას ტრანსვესტიტის ფორმაში გამოწყობილს (რა უკლდა რო... ეტყობა ავთანდილიც იგივეს ფიქრობდა, ჟორსეს შარფი რომ შემოახვია) გამოვიყვანდი, ფონოგრამას გავუშვებდი და ვეტყოდი, რომ ხმა არ ამოეღო... რა კრიტერიუმებით აძლევს მაყურებელი ხმას შოთიკოს არ მესმის, მაგრამ ფაქტია, რომ ბიჭუნას არც ხმის ნატამალი აქვს, და აშკარად მოიკოჭლებს არტისტულობაშიც.

დათუნდა მგელაძე, რომელსაც ნოდიკო ტატიშვილი ცდილობს, რომ ხელიდან არ გაუშვას, დღესაც შეუდარებელი იყო. ყველაზე უკეთესი. შესანიშნავი სიმღერა, შესანიშნავი პლასტიკა და სცენური მოძრაობა და პირველი თუ არა, მეორე ადგილზე მაინც რომ გავიდა, მაინც სასიხარულოა. ამ ბიჭს, ამ საყვარელ პინგვინუკას (იმედია საწყენად არ მიიღებს, მაგრამ მართლა ძალიან საყვარელია) დიდი მომავალი აქვს, რადგან ერთადერთი ადამიანი იყო, რომელმაც მართლა მთელი სულით და გულით იმღერა და მსმენელს და მაყურებელს აჩვენა, რომ ქართველებსაც შეუძლიათ ფონოგრამის გარეშე ულამაზესი სიმღერების შესრულება.

სოფო ბედიამაც სრულიად სამართლიანად დაიკავა დღეს პირველი ადგილი. დუტა გადასარევად ასრულებდა პერფომანსს სოფოს სიმღერაზე, და როგორც ბუბა კიკაბიძე იტყოდა, შესანიშნავი კორდებალეტი გამოუვიდა დუტასაც. დუტამ თავი ვერ შეიკავა დათუნას სიმღერის დაწყებამდე და ჩაეკითხა, რომ სიმღერას „She“ ხომ ნამდვილად ქალს უმღერიო. არ ვიცი, დუტა ჩემი ბლოგის პოსტების შთაბეჭდილებების ქვეშ იყო, თუ ნიკა გრიგოლიას მიერ ქლაბ–შოუში მისთვის სახალხოდ ჯაბა ქარსელაძის გარიგების მცდელობამ იმოქმედა, მაგრამ ფაქტია, რომ როდესაც ნოდიკო ტატიშვილს დათუნასთვის ხელის გაშვება არ უნდოდა სცენაზე, ვითომ აუთსაიდერებში გასაშვებად, დუტამ ისე იეჭვიანა, ლამის სცენაზე გალახა ნოდიკო. მესმის მისი... დათუნას გულისთვის მეც ვცემ ვისაც გინდა, უარესი რომ არ ვთქვა :) გამგები გაიგებს :)

ვაჟა, ჩემი სიმპათია, დღეს ბიჭი აუთსაიდერებში იყო და ძალიან გული მწყდება. შოთიკო მესამე ადგილზე უნდა ყოფილიყო და ვაჟა აუთსაიდერებში. კარგით რა ხალხო, კარგით რაა... არ შეიძლება ასე კუთხური მიდგომით ნიჭიერების დაჩრდილვა. ნიჭი ისედაც არ დაიკარგება, მაგრამ როცა შანსია, რატომ უნდა დავჩაგროთ არ მესმის. აგერ თვით ბ–ნმა ჭოლა წულაძემაც უძახა შოთიკოს, მეტი მინდა შენგან შოთიკო შემოგევლე, მეტი მინდაო, და მისთვის მაინც მოგვესმინა... არ ვიცი რა უნდოდა ჭოლას შოთიკოსგან, მაგრამ დედუნა ბერიძის არ იყოს, ეს ბიჭი არ არის სალიდერო და ჯობია ჩემთვის საყვარელ ქუთაისში ცოტა იმაზეც იფიქრონ, რომ ნიჭი უნდა დაფასდეს და არა საცხოვრებელი ადგილი...

სხვა სტატიები ამ თემაზე:
* ჯეოსტარელებმა ფრიადზე იმღერეს
* აღშოთებული ვარ!!!
* ჯეოსტარში გეი–ჰიტი პირველ ადგილზე გავიდა